Reforma në drejtësi humbje kohe, Meta: Ky sistem s’krijon asnjë mundësi për të rinjtë

Gjatë një bashkëbisedimi online që zhvilloi me disa të rinj nga Forumi Rinor i Ballanit ditën e shtunë, Presidenti Ilir Meta u shpreh se ky sistem që është ndërtuar në Shqipëri, nuk ofron asnjë mundësi për të rinjtë, dhe janë këta të fundit të cilët duhet të marrin në dorë fatin e tyre e të mos largohen nga vendi.

Sipas kreut të shtetit, reforma në drejtësi ishte një humbje kohe që nuk prodhoi asgjë, por i mundësoi qeverisë të kapte sistemin e drejtësisë.

“Ky sistem që kemi ndërtuar, apo deformuar ne të gjithë së bashku shtyp ëndrrat e të rinjve, ky sistem është bërë pengesë për të ardhmen e të rinjve në vend,” – u shpreh Meta.