Reforma zgjedhore në Britani, 16-vjeçarët drejt kutive të votimit

Qeveria britanike ka propozuar uljen e moshës së votimit në 16 vjeç për zgjedhjet e ardhshme të përgjithshme të vitit 2026, si pjesë e një pakete të gjerë reformash në sistemin zgjedhor.

Sipas propozimit, të rinjtë që janë tashmë të punësuar apo të përfshirë në shërbimin ushtarak duhet të kenë të drejtë të votojnë.

Aktualisht, 16-vjeçarët kanë të drejtë vote në Skoci dhe Uells, ndërsa propozimi synon ta shtrijë këtë të drejtë edhe në Angli dhe Irlandën e Veriut.

“Po heqim pengesat dhe po krijojmë më shumë mundësi për përfshirjen e qytetarëve në demokraci,” u shpreh zëvendëskryeministrja Angela Rayner.

Qeveria ka parashikuar edhe lehtësira për identifikimin në ditën e votimit, ku në mungesë të dokumenteve zyrtare të identitetit, qytetarët mund të paraqiten edhe vetëm me një kartë banke, patentë apo dokument veteranësh.

Përveç këtyre masave, paketa përfshin edhe kontrolle më të rrepta ndaj donacioneve politike mbi 500 paund nga shoqata të paregjistruara. Propozimet duhet ende të miratohen nga Parlamenti.

LEXONI GJITHASHTU:

• Thashethemet për divorc, Barack dhe Michelle Obama flasin për herë të parë
• Gjykata e Lartë refuzon heqjen e masës së arrestit për biznesmenin Becchetti