Thashethemet për divorc, Barack dhe Michelle Obama flasin për herë të parë
Ish-presidenti amerikan Barack Obama dhe bashkëshortja e tij, Michelle, kanë reaguar për herë të parë ndaj zërave për një divorc të mundshëm, në një episod të fundit të podkastit të tyre.
Në një bisedë të hapur dhe të ngrohtë, çifti tregoi se ishte në dijeni të thashethemeve vetëm kur u përballën me to përmes rrjeteve sociale.
“As nuk e dija që ekzistonte ky lajm, derisa dikush ma përmendi. Mbeta i habitur”, tha Obama me tonin e tij të zakonshëm të qetë dhe me humor të nënkuptuar.
Por ishte Michelle ajo që u shpreh me më shumë vendosmëri:
“Nuk ka pasur asnjë moment në martesën tonë ku kam menduar të heq dorë,” deklaroi ajo, duke shtuar se lidhja e tyre ka kaluar nëpër periudha të vështira, por edhe momente të bukura dhe plot aventura.
Reagimi i çiftit Obama nuk ishte vetëm një përgjigje ndaj spekulimeve, por edhe një reflektim mbi çfarë do të thotë një marrëdhënie e qëndrueshme. Ata folën hapur për sfidat që kanë kaluar, për rritjen personale brenda martesës dhe për balancën mes jetës publike dhe asaj private.
“Jam një person më i mirë për shkak të burrit me të cilin jam martuar,” u shpreh Michelle, duke e kthyer momentin në një dëshmi prekëse për dashurinë dhe qëndrueshmërinë në çift.
Në thelb, çifti Obama nuk folën vetëm për veten. Ata përçuan një mesazh më të gjerë për ata që i ndjekin, martesat e forta nuk janë të përsosura, por ndërtohen me kohë, durim dhe përkushtim të përditshëm.
LEXO GJITHASHTU:
Shtetësia nga lindja në SHBA, ekspertët: Trump mund të “shpërfillë” vendimin e Gjykatës
Droni rus përplaset në pishinën e mbyllur në Zaporizhia, katër të plagosur (VIDEO)
Sulmi masiv rus mbi Kiev, shkatërrohet plotësisht depoja humanitare e Kryqit të Kuq ukrainas
- 22:49 “Më shumë se futboll”: Bosnja para ndeshjes historike me SHBA-në
- 22:47 Parashikimi i Maradonës në vitin 2018: Në Kupën e Botës 2026, amerikanët do të copëtojnë ndeshjet në katër pjesë për reklamat!
- 22:39 Rama shpërndan deklaratën e avokatit: Një hap konstruktiv, nuk kemi kohë të humbim me BE-në! Protesta duhet të dialogojë me qeverinë
- 22:37 ‘Peshkaqenët blu’ të Botërorit, pse Kepi i Gjelbër është surpriza më e bukur e eventit?
- 22:33 Statistika: Jo vetëm cilësi, por edhe sasi, Olise është lojtari që ka përshkuar më shumë kilometra në ekipin e Francës
- 22:25 Gjermania prezanton paketën e reformave, ulje taksash dhe ndryshime në pensione e tregun e punës