Reja prezanton listën, Kombëtarja grumbullohet për ndeshjet me Kosovën, Kazakistanin dhe Bjellorusinë

Trajneri i Kombëtares Edoardo Reja ka prezantuar listën e lojtarëve që do të ketë në dispozicion për miqësoren me Kosovën dhe dy takimet e Ligës së Kombeve me Kazakistanin dhe Bjellorusinë.

Në listë bie në sy mungesa e Strakoshes, i cili është i infektuar me COVID, ndërsa do të rikthehen të veshin ngjyrat kuqezi, Hysaj, Ismajli, Memushaj, Ramadani, Balaj, Cikalleshi, që nuk ishin në grumbullimin e muajit tetor.

Tekniku italian ka paralajmëruar se mund të ketë ndryshime, pasi klubet mund të mos i lejojnë lojtarët që të udhëtojnë drejt Shqipërisë, për shkak të situatës së COVID.