Policia e Tiranës ka shpallur në kërkim një 36-vjeçar i cili rekrutonte shtetase të huaja për prostitucion përmes faqeve online.
Në kuadër të operacionit të koduar “Escort 1” u shpall në kërkim shtetasi M. N., 36 vjeç, banues në Tiranë. Gjithashtu u proceduan penalisht 16 shtetase me origjinë braziliane dhe kolumbiane, që ushtronin prostitucion në ambiente me qira ditore.
Ky shtetas bashkëpunonte me shtetas me huaj për dërgimin në Shqipëri dhe më pas i rekrutonte shtetaset e huaja, nga Kolumbia dhe nga Brazili, me qëllim shfrytëzimin për prostitucion, duke përdorur faqe online. Këtë aktivitet e ushtronte në ambiente me qira ditore, të cilat i siguronte nëpërmjet agjencive të ndryshme.
36-vjeçari kishte përfituar rreth 200 000 euro nga kjo veprimtari, gjatë 1 viti.
Vijon puna për lokalizimin dhe kapjen e tij.
LEXONI GJITHASHTU:
- Shfrytëzonte vajza të huaja për prostitucion, në pranga 40-vjeçarja turke në Tiranë
- Shfrytëzonte për prostitucion 36-vjeçaren, arrestohet 32-vjeçari në Berat