Rektori Hoxha: UT bën pjesë te 4% e universiteteve më të mira në botë

Rektori i Universitetit të Tiranës, Artan Hoxha ka komentuar studimin e “Ranking web of Universities”, ku Shqipëria renditet e 3,786-ta nga 31 mijë universitete në 200 shtete të botës, sa i takon cilësisë.

Për emisionin “Sot” në “Euronews Albania”, Hoxha u shpreh se në këtë studim, 50% e pikëve ka të bëjë me ndikimin dhe performancën që ka universiteti në jetën shoqërore të vendit.

Sipas tij, bazuar nga ky kriter, Universiteti i Tiranës bën pjesë te 4% e universiteteve më të mira në botë.

“50% e pikëve të rankimit ka të bëjë me ndikimin, performancën e institucionit në jetën shoqërore active të vendit. Këtu, Universiteti i Tiranës renditet në vendin e 1,909 nga 31 mijë universitete. Universiteti i Tiranës bën pjesë te 4% e institucioneve të rankuara lart.”, u shpreh Hoxha.

Sipas rektorit, një nga sfidat për Univeristetin e Tiranës mbetet lidhja e autorëve dhe kërkuesve të saj, me instituconet dhe websitet më të rëndësishme botërore.

LEXONI GJITHASHTU

• Shqipëria e fundit në rajon për cilësinë e universiteteve