Remitancat | 1.1 mld euro nga emigrantët, 25% e parave nga Italia

Emigrantët shqiptarë dërgojnë rregullisht para për familjet e tyre në Shqipëri, të cilat në një vit kapin vlerën e 1.1 mld eurove.

Ato përbëjnë 10% të prodhimit të brendshëm bruto, po aq sa investimet e huaja direkte.

Italia është burimi kryesor i dërgesave të emigrantëve drejt Shqipërisë, shtet nga i cili vjen rreth 25% e parave dhe pas saj vjen Britania e Madhe dhe Gjermania, shtete këto që mbajnë 14% të emigrantëve shqiptarë, por që sjellin së bashku 375 milionë euro, ose 33% të shumës së përgjithshme.

Partneri i katërt për nga vlera e remitancave të dërguara është Greqia, e pas saj Shtetet e Bashkuara të Amerikës.

Që nga viti 1992, kur nisën flukset e para të emigrantëve, deri në fund të vitit 2022, janë futur në ekonominë shqiptare 30 miliardë euro.

Ato kanë furnizuar me të ardhura 13 deri në 20% të buxhetit të familjeve. Pra, 1 në 5 familje brenda vendit jeton me ndihmën e të afërmeve në emigrim.

Në një studim që ka bërë Banka Botërore dhe Banka e Shqipërisë për peridhën 2013-2018, del se një familje ka marrë mesatarisht çdo vit rreth 2000 euro.

LEXONI GJITHASHTU

• Përmbytet varka me emigrantë në Tunizi, 13 të zhdukur
• Histori si në filma! Futbollisti emigrant shitet 1.4 mln €, fitimet për Partizanin
• Soko: Politika shqiptare ka bërë që emigrantët shqiptarë të ndihen të diskriminuar