Rëndohet bilanci atentatit/ 2 viktima në Shkodër, vdes truproja i Erogen Brajoviçit

Rëndohet bilanci i atentatit të ndodhur mëngjesin e kësaj të hëne në Shkodër ku pas Armando Palit, Geridon Kraja, i cili mbeti i plagosur ka ndërruar jetë në spital si pasojë e plagëve të marra nga të shtënat me armë automatike.

Burime konfirmojnë se Kraja ishte truproja i Erogen Vasos, i njohur ndryshe si Erogen Brajoviç, pjesë e grupit të Bajrajve në Shkodër.

Pikërisht Erogen Vaso dyshohet se ishte shënjestra kryesore e atentatit, nga i cili ai vetë mbeti i plagosur rëndë.

Në sulm mbeti i vrarë edhe Armando Pali, ish-anëtar i Këshillit Bashkiak të Shkodrës dhe ish-punonjës i IMT-së në këtë qytet. Po ashtu, është plagosur edhe një grua, e cila ndodhej në lokal në momentin e ngjarjes.

Atentati ndodhi në një lokal në zemër të qytetit, pranë bashkisë së Shkodrës.

Sipas burimeve paraprake, autor i dyshuar i atentatit është Ragip Gilaj, i cili dyshohet se ka qëlluar me armë automatike ndaj personave që ndodheshin në lokal.

Skenë filmi në Shkodër, vr*u dy, plagosi dy të tjerë! Tentoi t’i ikte policies, por u aksidentua pic.twitter.com/uiLSHvGaOi

— Euronews Albania (@EuronewsAlbania) September 8, 2025

LEXONI GJITHASHTU:

• Ky është truproja e Erogen Brajoviç që mbeti i vdekur në atentatin në Shkodër
• U vra në atentatin në Shkodër/ Kush është viktima Armando Pali, punonjës i IKMT
• Atentati në Shkodër me 1 të vdekur dhe 3 të plagosur, arrestohet autori