Atentati në Shkodër me 1 të vdekur dhe 3 të plagosur, arrestohet autori

Një atentat me armë zjarri ndodhi mëngjesin e së hënës në qendër të qytetit të Shkodrës, duke lënë një person të vdekur dhe tre të tjerë të plagosur. Burime zyrtare nga policia bëjnë me dije se autori i dyshuar Ragip Gilaj, banues në Shkodër është arrestuar së bashku me armën e krimit dhe mjetin me të cilin tentoi të largohej nga vendngjarja.

Viktima është identifikuar si Armando Pali, ndërsa tre personat e plagosur janë transportuar me urgjencë në Spitalin Rajonal të Shkodrës.

Një prej të plagosurve është identifikuar si Erogen Vaso, vëllai i Denis Brajoviçit. Ai ndodhet në gjendje të rëndë shëndetësore.

Sipas informacioneve paraprake, autori i atentatit ishte i maskuar me skafandër dhe i veshur me blu në momentin e ngjarjes, kur hapi zjarr në drejtim të viktimës dhe të plagosurve. Trupi i pajetë i Armando Palit ndodhet ende në ambientet e lokalit ku ndodhi ngjarja.

Policia ka nisur hetimet për të zbardhur rrethanat dhe motivet e atentatit, të cilat mbeten ende të paqarta.

LEXONI GJITHASHTU:

• FOTO/ U vu në pranga nga policia, kush është autori i dyshuar i atentatit në Shkodër
• EMRI| Jelekë antiplumb, doreza, maska, arrestohet i riu, furnizonte grupet kriminale
• U vra në atentatin në Shkodër/ Kush është viktima Armando Pali, punonjës i IKMT