Rënia e euros ndikoi në uljen e borxhit të huaj, u rritën normat e interesit

Rënia e euros ka ndihmuar në shlyerjen e borxhit publik, por nga ana tjeter qeveria është përballur me norma të larta interesi në tregjet e huaja. Statistikat tregojnë se ao u rriten 20% në një vit.

Zhvlerësimi i euros ka nxitur pagesën e shpejtë të borxhit publik. Qeveria ka ulur ndjeshëm stokun, por jo pa kosto. Kjo pasi, rënia e euros në tregun vendas është shoqëruar edhe me rritjen e normave të interesit.

Raportet e Ministrisë së Financave tregojnë se vendi ynë pagoi 78 milionë euro interesa me rritje 20% nga e njëjta periudhë një vit më parë.

Kjo është rritja më e fortë për interesat e borxhit të jashtëm që nga viti 2021. Shlyerja e eurobondeve po detyron qeverinë të nxjerrë më shumë para nga arkat, pasi 75% e borxhit të huaj është në monedhën europiane.

Edhe shërbimi i borxhit të plotë ka arritur në nivele rekord. Vendi pagoi në total, interesa + principal, gjati tremujorit të dytë vendi ynë pagoi 40.1 miliardë lekë apo 400 milionë euro. Që nga 2021-i shërbimi i borxhit është rritur me nga 10%, përgjatë çdo viti.

Ndërkohë rënia e euros po e ndihmon qeverinë edhe në një tjetër drejtim. Në tremujorin e dytë borxhi publik u rrit. Indikatori arriti në 64.8% të PBB, nga 64.6% në fund të 2022-it, nxitur tërësisht nga huamarrja e brendshme, ndërsa përqindja e borxhit të jashtëm është ulur, pavarësisht marrjes së eurobondit.

Ndërkohë qeveria gjatë këtij vitit nuk ka zhvilluar asnjë ankand për të tërhequr euro nga tregu i brendshëm.

LEXONI GJITHASHTU:

• Rubla ruse ra në nivelin më të ulët kundrejt euros që nga marsi i vitit 2022 
• Kosova jep 254 mijë euro për financimin e teksteve shkollore në Luginën e Preshevës