Rënia e numrit të lindjeve në Japoni, Kishida: Shoqëria drejt falimentimit

23 Janar 2023 | 20:18

Kryeministri i Japonisë ka deklaruar se shoqëria e vendit të tij është në prag të dështimit për shkak të rënies së kuotës së lindjeve.

Në një fjalim përpara ligjvënësve, Fumio Kishida ka nënvizuar se popullsia e vendit është një çështje që duhet të gjejë zgjidhje “o sot, o kurrë”.

Japonia, me një popullsi prej 125 milionë banorë, vlerësohet të ketë pasur më pak se 800 mijë lindje vitin e kaluar. Në vitin e largët 1970, shifra ishte më shumë se 2 milionë.

Përveçse në Japoni, popullsia po tkurret edhe në shumë vende të botës, përfshirë ato aziatike, por atje problemi është më akut.

Kjo, pasi jetëgjatësia është rritur në dekadat e fundit, që do të thotë se ka një numër të lartë të moshuarish dhe një rënie të numrit të punëtorëve që i mbështesin ata.

Aktualisht Japonia ka përqindjen e dytë më të lartë në botë të njerëzve të moshës 65 vjeç e sipër, rreth 28%, pas shtetit të vogël të Monakos.

“Shoqëria japoneze është në buzë të greminës. Fokusimi i vëmendjes në politikat për fëmijët dhe rritjen e tyre është një çështje që nuk mund të presë dhe nuk mund të shtyhet”, ka deklaruar kryeministri Kishida.

Ai ka shtuar se qeveria do të dyfishojë shpenzimet për programet e lidhura me lindjet dhe se një agjenci e re qeveritare që do të marrë përsipër zgjidhjen e problemit do të ngrihet në muajin prill.

Programe të ngjashme kanë ndërmarrë edhe qeveritë e mëparshme të vendit aziatik, por fatkeqësisht kanë rezultuar pa sukses.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Erdogan nis sulmet para samitit të NATO-s

Autoritetet turke kanë kryer qindra arrestime, kanë ndaluar protestat dhe kanë kufizuar liritë e medias përpara samitit të ardhshëm të NATO-s në Ankara, me aktivistët...
12:04 | 27/06/2026

Luftë brenda elitës ruse? Arrestohet Ilia Traber, miku i vjetër i Putinit që konsiderohej i paprekshëm në Rusi

Ilia Traber, 75 vjeç, i njohur me nofkën “Antikuari”, konsiderohej për vite me radhë si një nga njerëzit më të paprekshëm në Shën Petersburg. Ai...
11:50 | 27/06/2026

Trump prezanton pasaportën e re amerikane me portretin e tij për 250-vjetorin e Pavarësisë së SHBA-së

Presidenti amerikan Donald Trump prezantoi të premten pasaportat koleksionuese që mbajnë portretin e tij, të cilat do të qarkullojnë në një numër të kufizuar në...
09:06 | 27/06/2026