Republikanët dërgojnë emigrantë në shtëpinë e Kamala Harris

Dy guvernatorë republikanë dërguan disa autobusë me emigrantë në rezidencën zyrtare të zv,presidentes Kamala Harris në Uashington dhe në ishullin e pasur të Martha’s Vineyard.

Për Shtëpinë e Bardhë ky aksion ishte një turp.

“Në vijim është një proces. Ekziston një mënyrë ligjore për ta bërë këtë dhe për të menaxhuar emigrantët. Është e turpshme, e pamenduar dhe e gabuar që guvernatorët republikanë të ndërhyjnë në proces dhe të përdorin emigrantët si pengje politike”, u shpreh Karine Jean Pierre, sekretare për mediat në Shtëpinë e Bardhë.

Guvernatorët e Teksasit dhe Floridës, të cilët janë më shumë të rrezikuar në zgjedhjet afatmesme, duan të përdorin anën më negative emigracionit për ta shfrytëzuar në fushatën e tyre zgjedhore.

Për republikanët, imazhet e emigrantëve që kalojnë pa pushim kufirin janë një mënyrë për të larguar vëmendjen nga skandalet e ish presidentit Donald Trump dhe shfuqizimi i të drejtave të abortit.

LEXONI GJITHASHTU:

• Zbulohet një tjetër varr masiv në Ukrainë, mbi 400 trupa të pajetë
• Lufta në Ukrainë, Putin siguron mbështetjen e Kinës