Republikanët propozojnë amendamentin që Trump të kandidojë për mandatin e tretë

Një nga aleatët kryesorë të Presidentit Donald Trump, kongresmeni Andy Ogles, ka paraqitur të enjten në mbrëmje një rezolutë që ka për qëllim ndryshimin e Kushtetutës amerikane për t’i lejuar një presidenti të shërbejë deri në tre mandate. Amendamenti i propozuar do të mundësonte që një president të mbante detyrën për më shumë se dy mandate, por jo më shumë se dy mandate të njëpasnjëshme katërvjeçare.

Sipas propozimit republikan synohen të ndryshohen kufizimet që janë vendosur nga Amendamenti i 22-të i Kushtetutës, i cili aktualisht ndalon një president të shërbejë për më shumë se dy mandate. Ky amendament u ratifikua në vitin 1951 si pasojë e periudhës kur Presidenti Franklin Delano Roosevelt fitoi katër mandate presidenciale dhe vdiq një vit pas zgjedhjes së tij të katërt në vitin 1945.

Në një deklaratë të lëshuar për mediat, Ogles argumentoi se Trump “ka dëshmuar se është figura e vetme në historinë moderne që është në gjendje të rikthejë rendin dhe stabilitetin në SHBA dhe të rikthejë Amerikën në madhështi”.

“Për këtë qëllim, po propozoj një amendament të Kushtetutës për të rishikuar kufizimet e vendosura nga Amendamenti i 22-të për mandatet presidenciale, duke i mundësuar Presidentit Trump të shërbejë për tre mandate, duke siguruar kështu një udhëheqje të guximshme që kombi ynë ka aq shumë nevojë,” tha republikani.

Amendamenti që propozohet nga Ogles do të lejonte që një president të mund të shërbejë deri në tre mandate, me kusht që të mos kalonte dy mandate të njëpasnjëshme. Kjo do të thoshte që një president do të mund të shërbejë për dy mandate të njëpasnjëshme katërvjeçare dhe, pas një periudhe, mund të kërkonte një mandat të tretë, duke ndihmuar kështu në mbajtjen e një udhëheqjeje të vazhdueshme dhe të qëndrueshme.

Në fillim të këtij muaji, Ogles bëri publike një tjetër nismë, një projekt-ligj që do të mundësonte Trump të negocionte për blerjen e Grenlandës, pas interesit të shprehur nga presidenti. Ky projekt-ligj do t’i jepte mundësinë Trump të hynte në bisedime me Danimarkën për blerjen e Grenlandës, një territor që ka lidhje të ngushta kulturore dhe gjeopolitike me Evropën, por që gjithashtu është pjesë e Amerikës së Veriut.

Në lidhje me këtë nismë, Ogles tha: “Joe Biden e ka dëmtuar reputacionin tonë gjatë katër viteve të fundit dhe para se të marrë detyrën, Presidenti Trump po i tregon botës se Amerika është kthyer. Interesat ekonomike dhe të sigurisë amerikane nuk do të bien më në prapaskenë, dhe republikanët e Dhomës janë gati të ndihmojnë Presidentin Trump t’i japë më shumë për popullin amerikan.”

Edhe pse Trump ka folur edhe më parë lidhur me mundësinë e shërbimit për një mandat të tretë, burimet që kanë marrë pjesë në takimet e mbyllura thonë se ai mund t’i ketë bërë këto komente me shaka. Sidoqoftë, Ogles ka paraqitur këtë propozim serioz për të rishikuar kufizimet e mandatit presidencial dhe për të mundësuar që një president të shërbejë për më shumë se dy mandate të njëpasnjëshme, duke i dhënë mundësinë Trump që të udhëheqi për një periudhë më të gjatë.

LEXONI GJITHASHTU:

• “Gjithçka do zbulohet”, Trump jep urdhrin për atentatet e Kennedy dhe Luther King Jr
• Trump në Forumin e Davosit: Kritika ndaj BE-së për tarifat, taksat dhe rregulloret