Reshje intensive dëbore në juglindje, problematika në disa fshatra

Reshjet e dëborës kanë përfshirë pjesën më të madhe të juglindjes së vendit.

Më të dendura reshjet kanë qenë në lartësitë mbi 900 metra aq sa në majë të Mashkullorës e në majë të Bigllës trashësia ka shkuar nga 30-50 cm.

Rrugët nacionale janë të kalueshme pa probleme përfshirë akset e fshatrave turistik Dardhë, Voskopojë e Vithkuq.

Me probleme paraqitet aksi rrugor Shtyllë – Panairit në veçanti në majë të Mashkullorës.

Mjetet borëpastruese janë në gatishmëri për të mbajtur të kalueshme këtë rrugë.

Ndërkohë që ka probleme në qarkullimin e mjeteve në pjesën më të madhe të rrugëve rurale të zonave malore.

Probleme me energjinë elektrike raportohet të kenë 400 familje në fshatrat Nizhavec, Petrushë, Cervenakë, Koritë dhe Guri i Kuq.

Nga ana e OSSHE-së bëhet me dije se grupet e punës janë në terren duke punuar për të rikthyer energjinë elektrike në këto fshatra.

LEXONI GJITHASHTU:

• “Dita më e ftohtë”, parashikimi i motit për këtë javë
• Policia e Shtetit apel shoferëve: Shtoni vigjilencën dhe kini kujdes nga moti i keq