Reshje shiu dhe dëbore në qarkun e Korçës, asnjë problem në akset rrugore

Gjatë natës, reshjet e shiut kanë vazhduar me intensitet te ulët dhe mesatar në Qarkun e Korçës, ndërsa në lartësitë mbi 1200 metra, ka patur reshje debore, me trashësi 5-15 cm, kryesisht në segmentin e Dardhës.

Segmentet kryesore nacionale dhe ato turistike Qafa e Thanës-Pogradec-Korçë-Kapshticë, Korçë-Voskopojë, Boboshticë-Dardhë dhe Korçë-Qafa e Qarrit-Ersekë kanë qënë të hapura dhe pa probleme.

Në bashkinë Kolonjë, gjatë natës ka patur erera të forta dhe shira të rrëmbyeshëm, ndërsa në mëngjes, reshje dëbore me trashësi 2-3 cm. Si pasojë ka patur dëmtime në dy shkolla, dhe po punohet për riparimin e tyre.

Ndërkaq, ka përmirësim te furnizimit me energji elektrike, teksa defekte sporadike ka pasur në disa fshatra.