Reshje të dendura dëbore në akset Tamarë-Vermosh dhe Qafë Thore-Bogë

Gjatë natës  dhe mëngjesin e kësaj të hëne janë kthyer reshjet e dëborës me intensitet të lartë në akset Tamarë-Vermosh dhe Qafë Thore-Bogë.

Trashësia e dëborës ka arritur deri në 50 cm.

Autoriteti Rrugor Shqiptar (ARRSH) informon se grupet e punës me mjetet borëpastruese në terren dhe po bëjnë të mundur pastrimin e rrugëve nga dëbora dhe shpërndarjen e kripës për të evituar ngricat.

ARRSH apelon që drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.

LEXONI GJITHASHTU:

• Përkeqësohet moti në Durrës, ndalohet lundrimi i mjeteve të vogla
• Era e fortë, trageti nuk ankorohet dot në portin e Vlorës, pezullohet lundrimi për..