Reshjet spostohen në Jug, vjen i ftohti polar – Parashikimi i motit për javën

Reshjet e shiut dhe borës që kanë përfshirë vendin këtë të diel do të spostohen drejt jugut shoqëruar me reshje intensive shiu dhe bore.

Meteorologia Lajda Porja tha në Euronews Albania se situata do të jetë problematike me reshje të dendura shiu në Durrës, Elbasan, Vlorë ku pritet të bjerë deri më 100 mm shi.

Parashikohet shtim i borës në zonat veriore dhe në qarkun e Korçës. Në orët e pasdites, 3-7 sistemi i e reshje intensive do spostohet në jug, dëbora do të zbresë në zona të ulëta.

Duke nisur nga e hëna reshjet do ndalojnë por do të ketë rënie të menjëhershme të temperaturave pasi masa e ftohtë polare zbret drejt Ballkanit. Priten temperatura shumë të ulëta gjatë javës, -11 gradë në zona të caktuara në veri. Ditët më të ftohta pritet të jenë e marta, e mërkura dhe e enjtja.

LEXONI GJITHASHTU:

• Reshje bore dhe temperatura të ulëta, si paraqitet situata e motit në qarkun Shkodër
• Përkeqësimi i motit, pezullohet dalja në det e mjeteve të vogla në Vlorë