Rezultatet e Europa League: Lazio ruan kreun, rikthehen “Djajtë e Kuq”

Europa League ka mbyllur javën e pestë të saj, ku u shënuan një numër i madh golash dhe u regjistruan rezultate interesante. Manchester United rrëmbeu fitoren e parë në epokën Amorim, ndërsa Roma barazoi në minutat e fundit në transfertën ndaj Tottenham Hotspur. Lazio vijon të ruajë kreun e grupit edhe pse la pikë ndaj Ludogorets në Olimpico.

Në Old Trafford, “Djajtë e Kuq” morën 3 pikët, por hasën vështirësi ndaj Bodo/Glimt, me përballjen që u mbyll me shifrat 3-2. Garnacho kaloi në avantazh Manchester United, por Bodo/Glimt përmbysi rezultatin në pjesën e parë me golat e Evjen dhe Zinckernagel. Megjithatë, fraksioni i parë u mbyll në barazpeshë pas golit të Højlund. Në pjesën e dytë, ishte sërish sulmuesi danez që vulosi fitoren 3-2.

Në Londër, skuadrat ndanë pikët. Claudio Ranieri arriti të marrë një rezultat pozitiv nën drejtimin e Romës. Për Tottenham shënuan Son dhe Johnson, ndërsa për italianët realizuan Ndicka dhe në minutat e fundit Mats Hummels.

Sa i përket renditjes, nuk ka ndryshime. Në krye qëndron Lazio, e cila, edhe pse la pikë në shtëpi ndaj Ludogorets, vazhdon të kryesojë. Skuadra e Baronit dominoi ndeshjen, por nuk arriti të shënonte asnjë gol.

LEXONI GJITHASHTU:

• Rezultatet e Champions League, Interi merr përkohësisht kreun
• Goleada në Champions League, Manchester City e bën darmë/ Rezultatet e ndeshjeve