Rezultatet e primareve, 8 bashki në balotazh më 11 dhjetor

5 Dhjetor 2022 | 16:08

Partia Demokratike dhe Partia e Lirisë mësuan dje emrat e 48 kandidatëve që do të përfaqësojnë koalicionin opozitar përballë maxhorancës socialiste në zgjedhjet lokale të 14 majit.

Nga raundi i parë i procesit të primareve, vetëm 8 bashki nuk zbuluan emrat e kandidatëve dhe do të shkojnë në balotazh. Në Tiranë, Fier, Librazhd, Dibër, Sarandë, Mirditë, Mat dhe Krujë demokratët do t’i drejtohen sërish kutive të votimit për të zgjedhur kandidatin që do të garojë në 14 maj.

Më 11 dhjetor është përcaktuar data e balotazhit për këto 8 bashki.

Procesi i primareve u zhvillua në të gjithë vendin, më përjashtim të 5 bashkive, Himarë, Finiq, Dropull, e Pustec që iu janë lënë partive aleate dhe Malsi e Madhe në të cilën për shkak të situatë së brendshme në degë është vendosur që zgjedhja e kandidatit të bëhet në një moment të dytë.

Bashkë me 4 bashkitë që nuk u votua, PD ka hequr dorë edhe nga 4 bashki të tjera, duke lënë që në Kuçovë, Prrenjas, Memaliaj dhe Skrapar kandidatët të jenë të Partisë së Lirisë.

Përveç tyre primaret ishin formale në 9 bashki, ku kishte vetëm nga një kandidat në garë.

Në shumë bashki, procesi i primareve u shoqërua me kontestime dhe debate për shkak të problemeve me listat. Në disa bashki, si Kamëz, Tropojë apo Korçë disa prej kandidatëve në garë u tërhoqën nga gara duke denoncuar parregullsitë e procesit.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Protestat në Tiranë, Gjyli: Mendimi ndryshe po përballet me linçim në rrjete sociale

Duke komentuar protestat në Tiranë, analistja dhe pedagogia Arsejda Gjyli tha në emisionin “Now me Erla Mëhillin” se figurat që dalin në krye të protestës...
22:35 | 24/06/2026

Analisti Lita: Protestat në Tiranë do të vazhdojnë deri në mbylljen e tranzicionit

I ftuar në emisionin “Now me Erla Mëhillin”, analisti Lavdrim Lita komentoi protestat në Tiranë, duke u ndalur te zhvillimet dhe perspektiva e tyre në...
22:24 | 24/06/2026

Floriana Garo: PD dhe Berisha mbështesin pa lëkundje kërkesat e protestës qytetare

Zëdhënësja e Partisë Demokratike, Floriana Garo, ka reaguar lidhur me qëndrimin e PD-së ndaj kërkesave të protestës qytetare. Ajo thekson se çdo petendim i aluduar...
20:33 | 24/06/2026