Rezultati i zgjedhjeve në 26 prill, vendimi i rregullatorit në KQZ: Votat të numërohen brenda 13 orëve

Rezultatet paraprake të zgjedhjeve duhet të nxirren mëngjesin e datës 26 prill.

Ky është vendimi i Komisionit Rregullator në Komisionin Qendror te Zgjedhjeve, i cili detyron Komisionet Zonale të Administrimit të Zgjedhjeve që brenda orës 08:00 të mëngjesit të 26 prillit të nxjerrin rezultatet.

Sipas këtij vendimi që u miratuan unanimisht në KQZ, Komisionerët e numërimit të votave, duhet ta kenë përmbyllur procesin jo më vonë se 13 orë nga mbyllja e procesit votimit.

Ky vendim i Komisionit Rregullator duke shumë ambicioz, duke marrë parasysh precedentët në proceset zgjedhore të mëparshme, kur shpesh procesi i numërimit është bllokuar dhe zvarritur, por edhe vetë deklarimet e komisionerit, Ilirjan Celibashi, i cili ka theksuar se pret që rezultati të shpallet brenda 72 orësh pas mbylljes së votimit.

Lexoni gjithashtu:

Monitorimi i fushatës për 25 prillin, ODIHR publikon raportin e ndërmjetëm 10 ditë para zgjedhjeve

Qendra votimi në 25 prill, 16 mijë qytetarë në Tiranë pritet të votojnë në kontejnerë