Richard Grenell: Dialog Serbi-Kosovë më 27 qershor në Shtëpinë e Bardhë

I dërguari special i Presidentit amerikan për dialogun Prishtinë-Beograd, Richard Grenell thotë se ka marrë dakordësinë nga Serbia dhe Kosova për takim në Shtëpinë e Bardhë që do të mbahet më 27 qershor. Deri në mbajtjen e këtij takimi, të dy vendet kanë rënë dakord për ndalimin e fushatës së kthimit të njohjeve të pavarësisë nga ana e Serbisë dhe nga ana tjetër ndalimin e fushatës nga ana e Kosovës për njohjet ndërkombëtare.

“Lajm i shkëlqyer! Kam marrë zotimin nga qeveritë e Kosovës dhe Serbisë për të ndaluar përkohësisht fushatën e kthimit të njohjeve dhe kërkesat për anëtarësim në institucionet ndërkombëtare me qëllim për t’u takuar në Uashington në Shtëpinë e Bardhë më 27 qershor për diskutimet mbi dialogun”, shprehet Grenell.

If either side is unsatisfied with the June 27 discussions then they will go back to the status quo after they leave Washington.
As we have consistently said, we must first make progress on growing the economies. This is the focus. I look forward to these discussions. (2/2) https://t.co/r5QLDuC1XI

— Richard Grenell (@RichardGrenell) June 15, 2020

“Nëse asnjëra nga palët nuk kënaqet nga diskutimet e 27 qershori, atëherë ato do të kthehen në status quo pas largimit nga Uashingtoni. Ashtu siç kemi thënë vazhdimisht, së pari duhet të bëjmë progres për rritje e ekonomive. Ky do të jetë fokusi. Mezi pres këto diskutime”, thekson i dërguari special i Donald Trump.

Kjo deklaratë e Richard Grenell është mirëpritur nga Presidenti i Kosovës, Hashim Thaçi, i cili thotë se mirëpret ftesën për rinisjen e dialogut nën drejtimin e Presidentit të SHBA.

U.S. leadership & support has always been decisive for the prosperous future of Kosova. Therefore, I welcome the invitation to resume the dialogue on normalization of relations under the leadership of President @realDonaldTrump’s SE @RichardGrenell.

— Hashim Thaçi (@HashimThaciRKS) June 15, 2020