Rihapet për vizitorët Katedralja e Notre Dame, 6 vjet pas zjarrit shkatërrues

20 Shtator 2025 | 10:08

Presidenti francez Emmanuel Macron rihapi të premten kullat ikonike të Notre Dame në Paris për vizita publike, një nga hapat e fundit në rindërtimin e madh pas zjarrit shkatërrues.

“Kullat e Notre-Dame rihapen për publikun,” shkroi Macron në platformën X. “Katedralja po rifiton gjithë shkëlqimin e saj dhe ofron përsëri pamjet spektakolare të Parisit,” shtoi ai.

Kujtojmë që Katedralja e Notre Dame u hap zyrtarisht në fund të vitit të kaluar, kur liderë botërorë u mblodhën më 7 dhjetor 2024 për ceremoninë e shenjtërimit të katedrales ikonike, pesë vjet pas flakëve që e shkatërruan atë.

Në ceremoni e hapjes morën pjesë 1.500 të ftuar zyrtarë, përfshirë presidentin amerikan Donald Trump, Elon Musk, Princin Ëilliam, presidentin ukrainas Volodymyr Zelensky dhe kryeministren italiane Giorgia Meloni.

Katedralja, një nga shembujt më të rëndësishëm të arkitekturës gotike në zemër të kryeqytetit francez, daton rreth vitit 1260 pas Krishtit dhe ka qëndruar në këmbë për më shumë se 850 vjet, duke mirëpritur më shumë vizitorë sesa Kulla Eiffel ose Muzeu i Luvrit.

Përpara zjarrit, Notre Dame de Paris priste mbi 13 milionë turistë në vit nga e gjithë bota.

Rindërtimi i katedrales kërkoi 1.200 pemë lisi, të prera nga pyjet në të gjithë Francën për të zëvendësuar kornizën prej druri të çatisë, si dhe pjesëmarrjen e 1.000 punëtorëve për ndërtim.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026