Rijetëzimi i sarajeve, Veliaj prezanton projekt-idenë

Kryebashkiaku i Tiranës dhe njëkohësisht kandidati i Partisë Socialiste në zgjedhjet e 14 majit, Erion Veliaj prezantoi projektin për rijetëzimin e Sarajeve të Toptanëve në Muze Etnografik.

“Në 17 gusht 2021, një nga punonjësit e Policisë Bashkiake raportoi se kishte parë një person, i cili ishte futur nga dera e pasme dhe kishte hedhur një shishe me benzinë, duke thyer xhamin e godinës. Dy minuta nga raportimi, zjarrfikësja e Tiranës shoi zjarrin e asaj që mund të kishte pasur fatin e shkollës ‘Kosova’. Më vjen mirë që nga incidenti, që fatmirësisht u shua nga zjarrfikësit në dy minuta, qyteti përftoi një pronë publike, që sa të jetë jeta do të jetë pronë e bashkisë,  e qytetit dhe e qytetarëve të Tiranës,” – tha Veliaj.

Veliaj tha se një ndërtesë e tillë po transformohet për të përfaqësuar identitetin e Tiranës.

“Një ndërtesë e tillë përfaqëson identitetin e Tiranës, meritonte të shpronësohej dhe të kalonte në pronësi të Tiranës,” – u shpreh kryebashkiaku.

Ministrja e Kulturës, Elva Margariti u shpreh se pas Pazarit të Ri, Muzeu Etnografik i Tiranës është një tjetër projekt i rëndësishëm kulturor që zhvillohet në bashkëpunim me Bashkinë.

LEXONI GJITHASHTU:

• Çiljeta Xhilaga: Arsyeja pse sot mbështes Erion Veliajn në fushatë
• “Më mallkuan”- Çiljeta pas daljes me Veliajn: PS kishte kulturë në të sharë