Rikthehet frika e hasmërive mes fiseve në Rrëshen, si u qëllua nipi i Kastriot Reçit

Policia ka arrestuar njërin prej autorëve të ngjarjes së mbrëmjes së të dielës në Rrëshen, ku u qëllua me armë automjeti me të cilin lëvizte Saimir Reçi.

Martin Bardhi akuzohet për “Vrasja me paramendim”, mbetur në tentativë, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit”.

Ndërsa në kërkim janë djali i 59-vjeçarit, Enrik Bardhi dhe nipi i tij shtetasi me iniciale K.B.

Dyshohet se Reçi dhe Enrik Bardhi janë përplasur fizikisht me njëri-tjetrin, më pas ky i fundit ka shkuar në banesë dhe ka marrë një armë zjarri.

Autorët kanë qëlluar në drejtim të Saimir Reçit, i cili rezulton nipi i Kastriot Reçit të ekzekutuar në vitin 2020. Nga të shtënat nuk mori lëndime, por në tentativë për tu larguar 41-vjeçari humbin kontrollin e automjetit duke u përplasur me bordurën.

Policia vijon punën për kapjen e dy të rinjve. Grupi hetimor po punon për zbardhjen e ngjarjes, ndërsa nuk përjashton mundësinë e konflikteve të mëparshme mes dy fiseve.

LEXONI GJITHASHTU:

• Zbardhet dinamika e aksidentit në Lezhë, shkak konflikti me armë mes të rinjve
• Policia kontrolle në banesën e të shumë kërkuarit në Durrës, arrestohet babai