Zbardhet dinamika e aksidentit në Lezhë, shkak konflikti me armë mes të rinjve

Policia e Lezhës arrestoi një 20-vjeçar pasi ka kanosur me armë zjarri një shtetas dhe në tentativë për t’u larguar ka aksidentuar një makinë tjetër.

Në pranga ka rënë shtetasi A. F., 20 vjeç, banues në Lezhë si dhe shpallën në kërkim shtetasit K. Gj., 24 vjeç, banues në Rrilë dhe D. D., 23 vjeç, banues në Barbullojë.

Nga hetimet e thelluara ka rezultuar se shtetasi A. F., në bashkëpunim me 2 shokë të tij, shtetasit K. Gj. dhe D. D. (të dy të shpallur në kërkim), kanë kanosur me armë zjarri, poshtë mbikalimit të Ishull Lezhës, shtetasin E. L, 23 vjeç.

Gjatë largimit me shpejtësi, automjeti me të cilin udhëtonin shtetasit A. F., K. Gj. dhe D. D., është përplasur në mbikalimin e Ishull Lezhës, me automjetin me drejtues shtetasin M. K.

Nga veprimet e para, ky rast është trajtuar fillimisht si aksident rrugor, por si rezultat i informacioneve të grumbulluara në vendngjarje, janë thelluar hetimet dhe si rezultat i tyre, është zbardhur dinamika e këtij rasti.

Gjithashtu, për këtë rast, u shpall në kërkim shtetasi E. L., 23 vjeç, banues në Tale, i cili nuk ka kallëzuar se është kanosur me armë zjarri, nga 3 shtetasit e lartpërmendur.

LEXONI GJITHASHTU:

• Policia kontrolle në banesën e të shumë kërkuarit në Durrës, arrestohet babai
• Shkeli arrestin shtëpiak për të pirë kafe, policia kap 39-vjeçarin