Rikthimi i Berishës në krye të PD, dëmton gjithë demokratët, thotë pedagogu Erlis Çela

Pedagogu dhe ekspert i shkencave të komunikimit, Erlis Çela tha në Euronews Albania se e sheh të vështirë një rikthim të Berishës në drejtimin e PD. Por edhe nëse kjo ndodh ose nëse z. Berisha vendos të krijojë një parti tjetër, kjo sipas tij do të jetë vetëm në dëm të PD dhe demokratëve.

“Qoftë krijimi i një grupi tjetër apo përpjekja për të rrëzuar Bashën do të jetë një betejë në dëm të demokratëve dhe PD. Besoj se në këto momente më i gëzuari është Rama. I gjithë debati është përqendruar brenda PD ndërkohë që vendi është në gjendje të vështirë ekonomike. Në vend që sot të flisnim për mungesën e një programi qeverisës, shikon për çfarë flasim”, u shpreh ai.

Deklaratat e sotme të ish-kreut të PD për një marrëveshje të fshehtë mes Ramës dhe Bashës sipas z. Çela janë jokoherente për faktin se z. Berisha ka qenë mbështetësi më i madh i z.Basha në të gjitha disfatat e tij, dhe arsyeja pse Basha është ende sot në krye të PD.

“Nëse do të kishte marrëveshje Rama-Basha, Berisha duhet ta dinte i pari”, u shpreh z. Hoxha.

LEXONI GJITHASHTU:

• “Rama mund të blejë Bashën, por jo PD-në”, Berisha pritet me ovacione para Kuvendit
• Rama: E kemi dorën e shtrirë për të bashkëpunuar me PD-në