Rimëkëmbet euro, java e parë e janarit nis me rritje për valutat e huaja

Monedha europiane e ka nisur këtë vit, duke fituar pikë përballë lekut. Vetëm në një javë, euro ka fituar gati dy pikë. Sipas kursit të Bankës së Shqipërisë një  euro po këmbehet aktualisht me rreth 104 lekë.

Ky është niveli më i lartë i monedhës europiane përballë lekut, regjistruar në dy muaj.

Për ekspertët e tregut, largimi i emigrantëve që erdhën për festa mund të ketë ndikuar në sasinë e eurove në qarkullim, ndërsa pritet që një nivel i tillë të vijojë edhe përgjatë këtij viti me luhatje të vogla.

Euro u zhvlerësua në vitin 2023 me 18 pikë, në nivele që nuk ishin parashikuar nga ekspertë të ekonomisë apo agjentë tregtarë që lidhin kontrata jashtë vendit, duke zbritur në korrik deri në 100.4 lekë.

Në të njëjtin ritëm kanë ecur edhe valutat e tjera, si dollari amerikan e paundi britanik, ndërsa Banka e Shqipërisë ka paralajmëruar se do të ndërhyjë përsëri, duke rritur normën bazë të interesit si një mënyrë për të rikthyer në objektiv inflacionin.

LEXONI GJITHASHTU:

• Bie papunësia në Eurozonë, kuota më e ulët që prej vitit 1998
• Euro vazhdon të rritet, me sa këmbehet monedha europiane