Rishfaqet Kate Middleton, princesha e Uellsit e buzëqeshur në finalen e Uimbledon

Pas shumë pikëpyetjesh për shëndetin e saj pasi u diagnostikua me kancer Princesha e Uellsit Kate Middelton është shfaqur në publik.

Veshur me një fustan lejla dhe e buzëqeshur Kate mbërriti në ‘All England Club’ për finalen e Uimbledonit për meshkuj.

Kate, bashkëshortja e trashëgimtarit të fronit, Princit William, u përshëndet nga publiku të cilët e pritën me duartrokitje përpara fillimit të ndeshjes së kampionatit midis Novak Djokovic dhe Carlos Alcaraz.

Që nga viti 2016, princesha ka qenë pjesë Klubit All England, i cili pret çdo vit finalen e Uimbledonit. Detyrat e saj ceremoniale përfshijnë dhënien e trofeve.

Princesha Kate zbuloi në mars se kishte kancer dhe po i nënshtrohej kimioterapisë. Dalja e saj e vetme publike që atëherë ishte pjesëmarrja në ditëlindjen e Mbretit Charles III.

Ndërsa Kate u shfaq në finalen e Uimbledon, Princi William  këtë herë mungoi. Ai së bashku me djalin ishin në Gjermani për të marrë pjesë në finalen e Kampionatit Europian ku u luajt Spanjë-Angli.

Princ William është president i Federatës Angleze të Futbollit.

LEXONI GJITHASHTU:

• Kate Middleton shfaqet për herë të parë në publik pas gjashtë muajsh 
• Ç’po ndodh me Kate Middleton, shëndeti i Princeshës së Uellsit i mbuluar nga misteri