Rishikohet buxheti i vitit 2025: 56 mln euro për sigurinë digjitale

Qeveria ka ndryshuar buxhetin e vitit 2025, duke rishpërndarë 118 mln euro. Kjo shumë do të shkojë për sigurinë kompjuterike dhe bujqësinë.

118 mln euro nga buxheti i shtetit do të përdoren për nevoja që nuk ishin planifikuar në fillim të vitit. Ministria e Financave ka miratuar aktin normativ, duke marrë paratë e pashpenzuara deri tani nga disa ministri dhe institucione, për t’i shpërndarë ato në fushën e sigurisë kibernetike, bujqësi dhe për projekte të infrastrukturës.

Konkretisht, 56 mln euro do të shkojnë për Agjencinë Kombëtare të Shoqërisë së Informacionit për forcimin e sigurisë digjitale. Ndërkohë, 30 mln euro do t’i marrë Ministria e Bujqësisë, për të aplikuar garanci sovrane te Ndërmarrjet e Vogla dhe të Mesme, por edhe krijimin e kushteve për rritjen e prodhimit bujqësor e blegtoral.

Pjesa tjetër e parave do shkojë për planifikime në Ministrinë e Mbrojtjes, të Arsimit dhe Shëndetësisë.

Pavarësisht ndryshimeve, deficiti buxhetor mbetet në nivelin prej 680 mln euro dhe borxhi publik nuk pëson ndryshime.

LEXONI GJITHASHTU:

• Pas sulmit të Izraelit, Irani kërkonte mbledhje urgjente të Këshillit të Sigurimit
• “Të rritet buxheti për filmin”, kineastët dëgjesë publike me ministrinë