Risitë e votimit në Itali, parlamenti ka më pak deputetë

Rreth 51 milionë italianë votojnë këtë të diel për zgjedhjet e përgjithshme në vend.

Për herë të parë në historinë e Republikës edhe të rinjtë 18-vjecar do të votojnë për Senatin, deri më tani votonin ata që kishin mbushur 25 vjeç.

Është gjithashtu hera e parë që parlamenti ka më pak deputetë, 600 përfaqësues të zgjedhur.

Reforma kushtetuese e vitit 2020, reduktoi numrin e deputetëve që dikur ishin gjithsej 945.

Ligji aktual zgjedhor italian, i quajtur Rosatellum, me një raund votimi, është një përzierje e mirë e një metode të së kaluarës ku rreth 37% e parlamentarëve zgjidhen me këtë sistem dhe 61% zgjidhen me metodën proporcionale.

Sistemi proporcional parashikon gjithashtu një prag pengues: partitë dhe koalicionet duhet të arrijnë një përqindje minimale të votave në nivel kombëtar për të hyrë në Parlament.

Pragu është i barabartë me 3% për një parti të vetme  dhe 10% për koalicionin.

2% e parlamentarëve (8 deputetë dhe 4 senatorë) zgjidhen nga zona e italianëve jashtë vendit që votojnë me sistem proporcional dhe mund të shprehin preferencat e tyre.

LEXONI GJITHASHTU:

• Tensione në Itali, Salvini kundër Von der Leyen: Të dielën votojmë ne, jo Brukseli
• Von der Leyen ka një paralajmërim për Italinë para zgjedhjeve
• Brukseli pret me ankth rezultatin e zgjedhjeve në Itali