Ristani për Bardhin dhe Alibeajn: Emërojnë njëri-tjetrin në detyra që s’i kanë

Arben Ristani deklaroi se Gazment Bardhi dhe Enkelejd Alibeaj kanë probleme me sjelljen duke qenë se janë vetëshpallur në poste drejtuese.

Ai tha për “SOT” në Euronews Albania se asnjë prej tyre nuk mund të marrë vendime sepse janë të shkarkuar nga vendimi i Kuvendit të Partisë Demokratike.

“Kryetar i komanduar nuk mund të jetë sepse Komisioni i Rithemelimit e ka shkarkuar. Që të jetë i komanduar duhet ta komandojë Këshilli Kombëtar. Kush e komandoi? Sekretari i përgjithshëm,” – u shpreh me të qeshura Ristani.

Duke qenë se në Gjykatë është dërguar një ankim kundër vendimit që gjykata mori më 25 mars duke legjitimuar Kuvendin e PD-së të organizuar nga Komisioni i Rithemelimit më 11 dhjetor, Ristani sqaroi se duhet të presim deri kur të pranohet duke qenë se ankimi i tyre nuk ka legjitimitet.

LEXONI GJITHASHTU:

• Noka: Deputetët i kërkuan Alibeajt tërheqjen e padisë ndaj PD-së