Rithemelimi akuza Blendi Gonxhes: Po shkel ligjin, pronar kompanie private

5 ditë pasi nisi zyrtarisht detyrën në krye të ministrisë së Ekonomisë, Inovacionit dhe Kulturës, kanë mbërritur akuzat e para nga opozita për Blendi Gonxhen.

Zëdhënësja për Antikorrupsionin e Rithemelimit, Genta Vangjeli, përmes një deklarate për mediat dneoncoi ministrin e ri të kabientit Rama duke thënë se po shkel ligjin pasi vijon të jetë pronar i kompanisë së tij private.

“Sipas ekstraktit të lëshuar nga QKB më datë 19 janar 2024 subjekti tregtar Albarent shpk me status aktiv, vazhdon të ketë ka si pronar me 100% të kapitalit shtetasin ministër Blendi Gonxhja. Ajo që, si ministri, si shefi i tij Rama, por edhe Presidenti shpërfillin apo bëjnë sikur nuk e dine, është ligji i cili e thotë qartë në nenin 27, pika B dhe C. Bëhet fjalë për ligjin Nr.9367 për parandalimin e konfliktit të interesave në ushtrimin e funksioneve publike”, tha Vangjeli.

Vangjeli kërkoi nga Gonxhe që të japë dorëheqjen.

“Blendi Gonxhja, përpara marrjes së detyrës së ministrit duhej, ose të ishte vetëpërjashtuar nga shoqëria tregtare ose të refuzonte detyrën shtetërore. Njërën ose tjetrën. Blendi Gonxhja, duhet të japë menjëherë dorëheqjen nga funksioni publik”, nënvizoi ajo.

LEXONI GJITHASHTU:

• Ndryshime në qeveri, Blendi Gonxhja emërohet ministër i Ekonomisë dhe Kulturës
• U emërua ministër, reagon për herë të parë Blendi Gonxhja: Sfidë dhe përgjegjësi!