Roboti “Alter 3” që drejton orkestrën njerëzore

Dirigjenti që shihni në podium nuk ka asnjë shkop, asnjë kostum, por Android Alter 3 është gati  të drejtojë anëtarët e orkestrës simfonike dhe të ndjek ritmin e tyre. Tashmë çdo gjë po i besohet robotikës.

Njihuni me Alter 3 roboti që ka një fytyrë njerëzore duar, krahë të cilat i lëviz në mënyrë shumë natyrale  i rrotullon gjatë performancës live  të operas së Keiichiro Shibuya “Scary Beauty” në Emiratet e Bashkuara.

Për Shibuya, një kompozitor nga Japonia, roli i robotëve në jetën tonë të përditshme mund të rritet, por na takon ne të  vendosim se si inteligjenca artificiale mund të ndikojë mbi përvojën njerëzore, ku  humanët dhe androidet të krijojnë artin së bashku.

“Kjo punë është një metaforë për marrëdhëniet midis njerëzve dhe teknologjisë. Ndonjëherë android do të çmenden, orkestrat njerëzore duhet ta ndjekin. Por nganjëherë njerëzit mund të bashkëpunojnë shumë të qetë”, shprehet kompozitori.

Shibuya shkruan muzikën, por android kontrollon ritmin dhe vëllimin e shfaqjes live, dhe madje  edhe këndon herë pas here. “Premisa është që android po lëviz sipas vullnetit të tij ,” rrëfen  tekniku i saj Kotobuki Hikaru. Tekstet e veprës bazohen në tekste letrare nga shkrimtari amerikan “Beat Generation”, William Burroughs dhe autori francez Michael Houellebecq.

“Robotët dhe Inteligjenca Artificiale që ekzistojnë tani nuk janë aspak të kompletuara. Fokusi i interesit tim … është se cfarë ndodh kur kjo teknologji jo e plotë bashkohet me artin,” tha Shibuya.

Publiku që ndoqi operën ishte kurioz për dirigjentin inovator.”Unë mendoj se kjo është një ide shumë interesante … kemi arritur të shohim se si duket dhe sa është … e mundur”, shprehet Anna e cila ishte pjesë e publikut dhe shijoi shfaqjen.