Roland Lami: Turet e paralajmëruara nga Berisha dëmtojnë Partinë Demokratike

Përjashtimi i Sali Berishës nga grupi parlamentar i PD-së ka prodhuar debate në radhët e demokratëve.

Pedagogu Roland Lami tha për Euronews Albania se pavarësisht influencës elektorale, që mund të ketë ish-kryeministri Sali Berisha, ai e ka të pamundur të marrë drejtimin e Partisë Demokratike.

Ai u shpreh se në PD aktualisht janë dy pole, të cilat përjashtojnë njëra-tjetrën dhe nuk krijojnë frymën për ta çuar partinë drejt fitores.

“Z. Berisha sado influencë elektorale të këtë në PD nuk i mjafton të mund të vijë dhe të fitojë zgjedhjet pa mbështetjen e mbështetësve e z. Basha. Në këtë kuptim, jemi në situatë ku të dy polet përjashtojnë njëra tjetrën dehë asnjëri nuk arrin dot të nxjerrë në triumf PD”, tha Roland Lami.

Për z. Lami paralajmërimi i ish-kryeministrit Sali Berisha se do të nisë një tur takimesh me demokratët në të gjithë vendin është në dëm të Partisë Demokratike.

“Sigurisht e dobëson dhe bën të mundur një moment për reflektim. Krijon dy pole brenda PD, të cilët përjashtojnë njëri-tjetrin”, tha ai.

LEXONI GJITHASHTU: 

• Basha përjashton Berishën nga grupi parlamentar i PD-së
• Berisha: Nëse PD më përjashton do të bëj gjithçka për ta rikthyer partinë