Roma, frymëzimi i Napoleonit, hapet ekspozita kushtuar perandorit në 200 vjetorin e vdekjes

Napoleon Bonaparte u frymëzua nga Roma antike për të ndërtuar perandorinë e tij dhe la gjurmë arkitektonike në kryeqytetin italian, i cili në 200 vjetorin e vdekjes i kushton edhe një ekspozitë.

Ushtarët e Napoleonit pushtuan Romën përgjatë viteve 1809-1814,  por vetë perandori asnjëherë nuk u shfaq në qytetin e përjetshëm.

“Ai nuk kishte kohë, ishte i zënë me fushatat ushtarake dhe ndërtimin e shtetit francez. Por ai pritej aq shumë në Romë sa në pallatin presidencial të gjitha dhomat ishin bërë gati për të” shprehet Massimiliano Munzi, kurator i ekspozitës të quajtur “Napoleoni dhe miti i Romës’.

Ishte këtu në forumin e Trajanit, ku trupa qeverisëse e Napoleonit filloi një nga projektet e tij të para të rinovimit në Romë duke e pastruar atë, duke krijuar një shesh të madh dhe kolonën triumfale romake të ngritur nga perandori Trajan, çka frymëzoi edhe Napoleoni për monumentet e tij.

Mes tyre Nicoletta Bernacchio, kuratore e ekspozitës përmend  Kolonën në Place Vendôme (në Paris) që Napoleoni kishte ngritur pas fitores në Austerlitz në 1805. Kolona u përurua në 1810 dhe nuk është asgjë më shumë se një kopje e asaj të perandorit Trajan.

Ekspozita “Napoleoni dhe Miti i Romës” është e hapur  në kryeqytetin italian  në Muzeun e Trajanit dhe do të mirëpres vizitorët deri në 30 maji.

Lexoni gjithashtu:

Italia do të rikonstruktojë fushëbetejën e gladiatorëve në Koloseum