Ronaldo ‘tersi’ i Man Utd, 7 fitore për anglezët pas largimit të portugezit

Largimi i yllit portugez, Cristiano Ronaldo nga skuadra e Manchester United u cilësua si një gabim i djajve të kuq, duke shpërthyer menjëherë kritikat ndaj trajnerit Ten Hag dhe drejtuesve.

28-vjeçari e mbylli aventurën me anglezët në mënyrën më të keqe të mundshme, menjëherë pas asaj deklarate të dhënë për gazetarin Piers Morgan, ku ngrinte një sërë akuzash ndaj drejtuesve të skuadrës.

Por si ka qenë ecuria e Manchester United prej atij momenti?

Numri 7, që tanimë luan me Al Nassr në Arabinë Saudite, ndeshjen e fundit në Angli e luajti ndaj Aston Villas në 6 nëntor, e humbur 3-1. Prej atij momenti, djajtë e kuq kanë pasur një rrugëtim interesant, ku jep idenë se problem ishte sulmuesi portugez.

Fitorja e parë pa Cristiano Ronaldon ishte ajo ndaj Fulham më 13 nëntor, ndërsa në total janë plot 7 fitore, 2 barazime dhe 1 humbje prej largimit të tij. E thënë ndryshe, pa fituesin e 5 topave të artë, skuadra ka mundur të grumbullojë 23 pikë. Ndërkohë në 13 ndeshjet e mëparshme, 20 pikë, ku numërohen 4 humbje.

Vendi i tretë në Premier League për skuadrën e Ten Hag përkthehet me një vend në Champions League sezonin e ardhshëm.