Rrahmani shpëton Napolin, Interi mposht Monzën, shkëputet me 5 pikë nga Juventus

Interi ka regjistruar fitoren numër 16 në kampionatin Italian, duke mposhtur lehtësisht Monzën në transfertë.

Zikaltrit zhvilluan një ndeshje spektakolare, teksa shënuan plot 5 herë në portën e kundërshtarit, duke provuar kështu të thellojnë diferencën me Juventusin, ndjekësin më të afërt në tabelën e klasifikimit.

Pjesa e parë u mbyll në shifrat 0-2, me golat e Calhanoglu e Martinez. Në fraksionin e dytë turku i coi shifrat në 0-3, ndërsa Pessina ngushtoi në 1-3.

NË vijim Martinez dhe Thuram vulosën triumfin 1-5, duke regjistruar një tjetër rezultat pozitiv për zikaltrit në prag të sfidës me Fiorentinën. Më herët ishte Napoli ajo që mori një fitore të vuajtur ndaj Salernitanës. Kampionët në fuqi të Serisë A u shtangën në minutën e 29’ ku Candreva kaloi në avantazh të tijtë, por fraksioni i parë do të mbyllej në baraspeshë, pas golit të Politano.

Përballja po shkonte drejt një barazimi, teksa në limite ishte Rrahmani që i gjendur në zonën kundërshtare e shtyu topin drejt rrjetës. Kjo ishte fitorja e vetme e napoletanëve në 4 javët e fundit, ndërsa e kishin nisur vitin me humbjen 3-0 ndaj Torinos. Në 2 ndeshjet e tjera të luajtura në Itali, Verona mposhti Empolin 2-1, ndërsa Genoa barazoi pa gola me Torinon.

LEXONI GJITHASHTU:

• Juventus kërkon rikthim në krye, Napoli i sfidon në “Allianz Stadium”
• Serie A ndan çmimet, Napoli skuadra më e mirë e sezonit, si lojtar zgjidhet Osimhen