E rëndë dhe shokuese në shtëpinë e fëmijës “Vangjel Pulla” në Sarandë tre fëmijët e një nëne janë abuzuar fizikisht dhe seksualisht.
Ndërsa rrëfeu për dhunën që i është ushtruar vajzave të saj dhe përdhunimin e djalit 7-vjeçar, ajo kujtoi dhe si i morën fëmijët për t’ia çuar në jetimore për “SOT” në Euronews Albania.
Zonja tha se i mbante fëmijët në një plastmasë. Askush nuk e ndihmonte, ndërsa partneri i saj ishte në burg. Madje një nga fëmijët i vdiq nga i ftohti dhe nuk kishte para për ta varrosur.
Ajo tha se nuk ishte dakord që t’ia merrnin fëmijët sepse kishte kërkuar ndihmë disa herë në bashki për t’i mundësuar kushtet minimale për të rritur të vegjlit e saj.
Kohë më pas, nëna e fëmijëve tregoi se filloi punë, bashkë me të shoqin që doli nga burgu, plotësoi kushtet për të marrë fëmijët, përveç kontratës së qirasë.
LEXONI GJITHASHTU:
- Dhuna në jetimoren e Sarandës, e mitura: Edukatorja më goditi me shkop
- Abuzim seksual në jetimoren e Sarandës, nëna: Denoncova rastin