Rrëmbëhet nga një komisariat dhe digjet, vdes britaniku në Ekuador

Një “britanik” ka vdekur pasi është rrahur dhe djegur nga një turmë në Ekuador, sipas raportimeve të mediave në vendin e Amerikës së Jugut.

Sipas raportimeve, burri – i cili nuk është identifikuar zyrtarisht – ishte arrestuar nga policia pasi u akuzua si i përfshirë në të shtëna fatale.

Media ekuadoriane e lajmeve Ecuavisa raportoi se burri ishte dërguar në një stacion policie Playas del Cuyabeno, një fshat i largët në pyjet tropikale të Amazonës.

Ndërsa atje, një grup hynë në stacion dhe e morën me vete burrin. Më pas atij i është vënë flaka në rrugë, mësohet se ka ndërruar jetë nga djegiet.

Një tjetër raport lokal, nga EXTRA.ec, tha se njësitë e specializuara të policisë kishin vonuar mbërritjen për shkak të kushteve gjeografike të zonës – e cila është e aksesueshme nëpërmjet lumit.

Sipas raportimeve, oficerët e policisë në stacion me sa duket vendosën se nuk mund të ndërhynin kur turma mbërriti për shkak të shqetësimeve për sigurinë e tyre.

Kuptohet se Zyra e Jashtme e Mbretërisë së Bashkuar po ndjek raportet në lidhje me incidentin dhe po punon me autoritetet lokale për të konfirmuar detajet.

LEXONI GJITHASHTU:

• Dalin pamjet e sulmit në arenën e gjelave në Ekuador, 12 të vdekur e 4 të arrestuar
• Sulm me armë gjatë një ndeshje gjelash në Ekuador, humbin jetën 12 persona