Rrënjët kelte të Halloween, tradita 2000-vjeçare me lyerje të fytyrës dhe maskime

Një festë e veçantë e Halloween-it priste dashamirët e antikitetit në parkun dhe muzeun arkeologjik romak të Budapestit. Edhe pse shumë njerëz e lidhin Halloween-in me Shtetet e Bashkuara, ai në fakt ka rrënjë kelte. Përpara pushtimit romak, zona e Budapestit të sotëm ishte e banuar nga një fis kelt, Eravisci. Prandaj muzeu festoi festivalin e tyre, Samhain, më 31 tetor.

“Ishte fundi i verës, kur mbaronte korrja dhe keltët tërhiqeshin për dimrin. Kështu që e mbyllnin sezonin me një festë të madhe. Ka shumë informacione nga të cilat mund të rindërtojmë se cilat tradita shoqëronin ngjarjen Samhain, e cila më vonë u zhvillua ose u shndërrua në Halloween-in që njohim sot”, thotë Zsanett Abonyi, organizatore kulturore në Muzeun Aquincum.

Festa e lashtë kelte përfshinte veshjen dhe lyerjen e fytyrës, njësoj si Halloween-i sot. Gdhendja e kungullit, ka gjithashtu ka rrënjë të lashta.

Ndërkohë në Budapest, aktivitetet e ndryshme ofruan një pasqyrë të detajuar të traditave 2000-vjeçare dhe pika kryesore muzikore ishte performanca e disa grupeve tradicionaliste.

LEXONI GJITHASHTU:

• Blinken vesh të birin si Zelensky për Halloween, kritikohet në rrjete sociale
• Pastori: Kam dhimbje që festohet Halloween, festohet vdekja