Rreshjet e dëborës, qarkullim pa probleme në aksin Milot-Morinë

Shqipëria është përfshirë nga moti i keq me reshje dëbore dhe shiu në dy ditët e fundit.

Reshje dëbore janë raportuar dhe në veri të vendit, më konkretisht në aksin rrugor Fan-Kolsh, pjesë e autostradës Milot–Morinë.

Aksi rrugor është tashmë i kalueshëm pa probleme nga drejtuesit e automjeteve pasi dëbora është pastruar nga asfalti.

Durrësi, Tirana, Dibra, Shkodra dhe Elbasani kanë qenë gjithashtu zonat ku janë hasur vështirësi prej kushteve të këqija të motit.

Pavarësisht se situata është normalizuar, kompania AHC bën apel për kujdes të shtuar nga drejtuesit e mjeteve, si dhe i nxit ata të lëvizin me shpejtësi të reduktuar dhe të përdorin zinxhirët.

Situata në vend është drejt normalizimit, njoftuan autoritetet ditën e sotme.

Në Dibër është shembur Ura e Kacës dhe 10 familje kanë mbetur të izoluara. Lumi Erzen po mbahet në monitorim prej reshjeve të dendura në zonën e Sukthit. Lumi Vjosa në Urën e Mifolit po monitorohet gjithashtu.

Rruga e Arbrit dhe Qafë Muzina janë përballur me vështirësinë qarkullim, por edhe në këto akse rrugore situata po normalizohet.

LEXONI GJITHASHTU: 

• Dimri vjen me reshje të dendura shiu dhe dëbore
• Probleme me motin në disa qarqe, Çako: Situata drejt normalizimit