Rreth 600 qytetarë janë ankuar pranë Urdhrit të Mjekut për shkelje të ndryshme nga bluzat e bardha. Të dhënat zyrtare të Ministrisë së Shëndetësisë tregojnë se vetëm 110 ankesa apo 17% kanë kaluar për gjykim disiplinor që lidhen me shkeljet të Kodit të Etikës, duke filluar nga mungesa e etikës së mjekut, neglizhenca apo mjekimet e gabuara.
Në përfundim të shqyrtimit të këtyre procedimeve disiplinore janë dhënë nga organi kompetent 60 masa disiplinore. Që përfshin gjobë dhe deri në heqje license.
Ekspetët e shëndetësisë, në relacionin që shoqëron aktin normative “për disa ndryshime dhe shtesa në ligjin “për urdhrin e mjekëve” kanë shprehur mendimin se ky është një numër i ulët i procedimeve në raport me situatën.
“Për një periudhë 18-vjeçare numri i procedimeve ka pasur një mesatare shumë të ulët dhe ende më e ulët ka qenë dhënia e masave disiplinore. Kjo tregon që ky rregullim nuk ka qenë efektiv në rritjen e përgjegjësisë në profesionin mjekësor”.
Ata janë të mendimit që ushtrimi i profesionit të mjekut në strukturat shëndetësore jopublike nga personel shëndetësor i punësuar me kohë të plotë në strukturat publike ka reduktuar cilësinë e ofrimit të shërbimit shëndetësor për qytetarët
“Situata aktuale, ku mjekët punojnë njëkohësisht në sektorin publik dhe jopublik ka krijuar një konflikt interesi dhe ka ndikuar negativisht në cilësinë e shërbimit shëndetësor publik.”
Për këtë arsye u propozuan ndërhyrje ligjore që kufizojnë orët e punë së bluzave të bardha në sistemin privat dhe sigurimin e transparencës dhe llogaridhënien.
LEXONI GJITHASHTU:
- Skandali në Onkologjik, Rama: Do angazhojmë menaxherë të huaj në QSUT
- Shtohen rastet me infeksione të veshit, mbi 55 urgjenca në ditë në QSUT
