‘Rrezikojnë të vdesin urie’, mjeku apel për ndihmë ndaj shqiptarëve në Ukrainë

Mjeku shqiptar Gazi Zeka bëri apel për të ndihmuar komunitetin shqiptar që jeton në Ukrainë, të cilët siç tha rrezikojnë edhe të vdesin urie.

Mjeku Zeka i cili jeton në Poloni ka iniciuar nismën për të furnizuar me ndihma shqiptarët që jetojnë kryesisht në Odesa dhe Zaporozhia bëri thirrje për të gjithë shqiptarët kudo që janë që të bëhen pjesë e kësaj nisme.

Në emisionin ‘Sot’ në Euronews Albania, ai e cilësoi shumë të rëndë gjendjen e shqiptarëve që jetojnë në Ukrainë.

“Ju lutem shqiptarë, viheni dorën në zemër për të ndihmuar shqiptarët që janë të izoluar, që rrezikojnë të vdesin pa ushqim. Populli shqiptar duhet të kujdesen, duhet të mblidhen ndihma për popullin shqiptar që janë në situatë shumë të vështirë. Në Zaporozhia shqiptarët janë të rrethua”, apeloi mjeku.

LEXONI GJITHASHTU:

• Shqiptari në Ukrainë tregon vështirësitë për të ndihmuar bashkëkombësit e tij
• Gjenocidi, termi që ndan politikanët për luftën në Ukrainë