Rrëzimi i interpelancës për inceneratorët, Gogu: Çështja i ka kaluar drejtësisë

Toni Gogu, zv. Kryetar i Grupit Parlamentar të PS, deklaroi në përfundim ë mbledhje së Konferncës së Kryetarëve, kërkesa e grupit parlamentar të PD, për interpelancë urgjente  me kryeministrin Rama për çështjen e inceneratorëve dhe Arben Ahmetajn, është rrëzuar.

Gogu theksoi se nuk ka asgjë urgjente në mbajtjen e interpelancës për inceneratorët, pasi çështja e Ahmetaj dhe përfshirja e tij në veprime korruptive është një çështje që tashmë i ka kaluar drejtësisë.

“Ne i dhamë pëlqimin kryetares. Çështjet që janë të ngjashme mund të bashkohen dhe të trajtohen bashkë. Nuk dhamë pëlqimin tonë që këto çështje duhet të hynin në seancën ardhshme. Do të vendosë Kuvendi të enjten nëse ato çështje do të përfshihen në rendin e ditës apo jo. Ne besojmë fort se aty nuk ka përmbajtje. Tani është momenti i drejtësisë për atë çështje, kur ne hapëm rrugën e komisionit hetimor, i cili sot është në duart të drejtësisë. Çdo veprim tjetër këto urgjencat janë ose brenda grupeve, por për Kuvendin e Shqipërisë mendoj se urgjenca janë pensionet, studentët, shërbimi mjekësor. Për këto arsye ne vendosëm që në seancën e ardhshme të caktohet. Nuk kemi asnjë lloj frike për të bërë debat. Besoj si parlamentar, janë çështje që po i heton drejtësia. Kuvendi e ushtroi veprimtarinë e vet me një komision gjerë e gjatë”, tha Gogu.

LEXONI GJITHASHTU:

• Kërkuan mocion me debat me Ramën, Konferenca e Kryetarëve rrëzon kërkesën e PD
• PD kërkon interpelancë me Ramën, Bardhi: Depozituam kërkesën në Kuvend