Rrëzimi i Komisionit Hetimor për investimet strategjike, PD kërkesë GJK-së

Deputetë të Partisë Demokratike i kanë kërkuar Gjykatës Kushtetuese deklarimin si të papajtueshëm me Kushtetutën, vendimin për rrëzimin e Komisionit Hetimor për investimet strategjike.

Në kërkesë, i kërkohet Gjykatës Kushtetutese që të shprehet se deri në cfarë mase ka të drejtë shumica parlamentare të vlerësojë nivelin e respektimit të parimeve kushtetuese në kërkesën për ngritjen e një komisioni hetimor të Kuvendit nga jo më pak se 1/4 e deputetëve.

Për më shumë se 3 herë, 35 deputetë të Grupit Parlamentar të PD i kërkuan Kuvendit të kontrollonte mënyrën sesi qeveria ka zbatuar ligjin për investimet strategjike, por mazhoranca socialiste në Kuvend, vendosi mosmiratimin e ngritjes së një Komisioni Hetimor për këtë cështje.

Për deputetët demokrat ligji i investimeve strategjike është shndërruar në një ligj klinetelist që ka favorizuar vetëm pak investitor vendas pranë qeverisë, ndër to edhe bashkëshortin e Ministres së jashtme, Olta Xhacka.

LEXONI GJITHASHTU

• Investimet strategjike, Xhaçka: Bashkëshorti im nuk ka përfituar fonde publike
• 35 deputetë të PD rikërkojnë komision hetimor për investimet strategjike