Ushtria ukrainase ka deklaruar se ka rrëzuar një tjetër avion rus përgjimi të llojit “AWACS”, i dyti brenda një muaji.
Avioni raportohet të jetë lokalizuar në rajonin Krasnodar të Rusisë, rreth 200 km nga vija e frontit. Sipas të dhënave, avionë të tilla janë mjete të rëndësishme për të ndihmuar në lëvizjet e palës ruse në Ukrainë.
Rusia ndërkohë vazhdon të bombardojë qytetet ukrainase. Odesa u kthye në shënjestër për herë të dytë në 24 orë. Pasi një sulm i mëparshëm mori 3 jetë njerëzish, mbrëmjen e së premtes një dron sulmoi sërish, duke lënë të vrarë një grua, e cila ndërroi jetë nën rrënojat e banesës së saj.
Për të luftuar sulmet ajrore ruse, Kievi zyrtar po pret mbërritjen e avionëve luftarakë amerikanë “F-16”. Pilotët ukrainas i janë nënshtruar tashmë stërvitjes në kurset e fluturimit në Danimarkë, vend që ka premtuar gjithashtu dorëzimin e disa “F-16-ave” brenda këtij viti.
LEXONI GJITHASHTU:
- Dy vjet nga agresioni rus, gazetari: Ukraina nuk është gati për paqen, çfarë pritet
- Dodik pas takimit me Putin: Rusia nuk i lë miqtë e saj
