Rrëzohet helikopteri ushtarak në Portugali, vdesin 2 ushtarë, 3 rezutojnë të zhdukur

Trupat e dy ushtarëve të Njësisë Portugeze të Mbrojtjes dhe Ndihmës Emergjente (UEPS) u gjetën në rrënojat e një helikopteri që u rrëzua në lumin Duero, ndërsa tre pjesëtarë të ushtrisë rezultojnë të zhdukur dhe piloti u shpëtua me lëndime të lehta, njoftoi sot ushtria portugeze.

Një helikopter u rrëzua në zonën portugeze të Peso de Regua pasi luftoi një zjarr në Bajao dhe kreu i Policisë Detare Veriore, Rui Silva Lampreya, konfirmoi vdekjen e dy ushtarëve.

Lampreya shtoi se piloti u shpëtua me lëndime në pjesën e sipërme të trupit dhe se kërkimi për tre personat e zhdukur vazhdon.

Kërkimi përfshin tre ekipe zhytjeje, drone, si dhe ekipe shpëtimi që kërkojnë në bregun e lumit, raporton Diario di notisias.

“Për momentin nuk dihen shkaqet e aksidentit, ndërsa piloti është shpëtuar i gjallë, vetëm me lëndime të lehta. Vazhdojnë kërkimet në lumë për pesë anëtarë të UEPS-së, të cilët janë të zhdukur”, njoftoi ushtria.

Helikopteri pati një aksident dhe u detyrua të bënte një ulje emergjente në lumin Douro, thanë burimet për agjencinë portugeze të lajmeve, e cila u konfirmua më vonë nga Autoriteti Kombëtar i Emergjencave dhe Mbrojtjes Civile (AENPC).

LEXONI GJITHASHTU:

• Zjarri pushton Portugalinë, flakët djegin 5 mijë hektarë tokë në ishullin Madeira
• Nga korrupsioni në krye të BE, ish-kryeministri i Portugalisë do presidencën e KiE