Rriten dyfish pagat dhe shpërblimet për deputetët, sa u shkojnë të ardhurat në muaj

Pagat e deputetëve u rritën këtë vit, por bashkë me to janë rritur edhe shpërblimet. Borderoja e parlamentit tregon se në muajin shtator, deputetët dhe ministrat  morën më shumë lekë nga dietat, karburanti dhe qiraja sesa nga paga.

Pasqyra financiare e siguruar nga Euronews Albania tregon se listëpagesa kapi vlerën e 57.6 mln lekëve, të hedhura në llogaritë bankare të anëtarëve në parlament.

Pagat për ta janë të rritura me vendimin që i çoi ato në 225 mijë lekë nga 115 mijë lekë në vlerë neto.

Ndërkohë edhe honorarët, rimbursimi i karburantit, qirasë, telefonit dhe pagesat e tjera janë dyfishuar pasi në kuvend u miratua ligji për pagat edhe shpërblimet.

Këto të fundit nuk janë të unifikuara dhe ndahen sipas aktivitetit të secilit deputet, dhe sot disa prej tyre marrin deri në 385 mijë lekë cdo muaj.

Nga borderorja e muajit të fundit të ekzeketuar tashmë, del se të ardhurat mesatare të deputetit në parlament arrijnë në 440 mijë lekë, ose 4.4 mln lekë të vjetër.

LEXONI GJITHASHTU:

• “Money”| Rriten pagat, kush do t’i marrë shtesat e mëdha
• Zgjerohet rruga Tiranë-Durrës, 1.2 mld euro për investimet