Rriten hyrje-daljet në Shqipëri, Instat: Në janar erdhën 94.2% më shumë të huaj

Janari i këtij viti ka regjistruar më shumë hyrje-dalje të shetasve shqiptarë dhe të huaj se janari i vitit 2022. Sipas Instat, shumica e të huajve vijnë nga Evropa, pasuar nga kontinenti amerikan.

Brenda territorit shqiptarë, në janar, kanë hyrë 83,6% persona më shumë se në të njëjtën periudhë të vitit 2022.

Sipas të dhënave zyrtare të institutit të statistikave mes  833.450 personave që  kanë ardhur në vendin tonë  456.239 janë shtetas shqiptarë dhe 377.211 të huaj.

Të dyja kategoritë kanë njohur rritje. Me 75,6 %  janë rritur hyrjet e shtetasve shqiptarë dhe  94,2 % të shtetasve të huaj.

Shumica e të huajve që kanë ardhur në shqipëri i përkasin kontinentit evropian me 366.257 shtetas, pasuar nga Amerika me 7.051 dhe Azia Lindore /Paqësori me 1.308 shtetas.

Arsyet e vizitës së të huajve në vendin tonë në 96,6 % është për arsye personale,  96,0 %  për qëllime pushimi apo vizitë tek të afërm dhe vetëm 22,5 % kanë ardhur për biznes dhe qëllime profesionale.

Paralel me hyrjet, edhe daljet nga Shqipëria kanë pasur rritje këtë janar.

Të dhënat flasin për 954.933 shtetas të huaj dhe shqiptarë që kanë dalë nga vendi ynë. Kjo shifër është rritur me 57,2 %, krahasuar me janarin e vitit 2022

LEXO GJITHASHTU:

• A do të rriten çmimet e ushqimeve pas shfuqizimit të bordit? Flet ekspertja
• Gjykata Kushtetuese rrëzon Bordin e Transparencës për çmimet e ushqimeve