Rritet çmimi i grurit pas daljes së Rusisë nga marrëveshja me Ukrainën

Bllokimi i marrëveshjes së grurit mes Rusisë, Ukrainës dhe Turqisë ka tronditur tregjet. Çmimi i drithërave është rritur brenda pak ditësh në bursat ndërkombëtare.

8.2% u rrit çmimi i grurit në bursën europiane, duke e çuar në 253.75 euro për ton. Kërcënimet e Rusisë mbi anijet në portet e Ukrainës, luhatin çmimin e drithërave, duke bërë që çmimi të rritet. Çmimi i misrit u rrit me 5.4%, ndërsa në tregjet amerikane, gruri u rrit me 8.8%, rritja më e madhe ditore që pas sulmit rus ndaj Ukrainës.

“Anijet që do t’iu drejtoheshin porteve në Ukrainë, do të trajtohen si shënjestra të mundshme ushtarake”, kështu ka deklaruar Kremlini.

Rritja e çmimeve të grurit vjen pas tërheqjes së ukrainës nga marrëveshja e grurit dhe ndërmarrjen e sulmeve me raketa mbi infrastrukturën e transportit të grurit ukrainas.

Ndërkohe mbrëmjen e së mërkurës, një sulm ajror rus ka plagosur 18 persona në qytetin port të Mikolajvit të Ukrainës. Nëntë nga të plagosurit ishin fëmijë. Sulme të tjera ajrore u shënuan gjithashtu dhe në portin e Odesas.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• 20 të plagosur nga sulmet ruse në Odesa dhe Mykolaiv
• I dha fund marrëveshjes, Rusia qëllon me raketa rezervat e grurit në Ukrainë